Ocean Explorer í Funningi

Í gjár fekk Funningur fyrstu cruisevitjanina í ár, tá Ocean Explorer legði leiðina framvið hugnaligu bygdini.

Skipið lá fyri akker á fjørðinum, og teir í alt 88 cruisegestirnir og manningin, ið taldi 20, komu í land í gummibátum.
Flestu gestirnir vóru úr Amerika, men eisini nakrir úr Australia, Canada og Evropa.

Veðrið vísti seg frá fleiri síðum - við bæði kava og sól. Men tað gjørdi bara vitjanina enn meira serliga fyri gestirnar at sleppa at uppliva føroyska veðrið.

Tað bleiv ein sera væleydnaður dagur, har bygdafólkið í Funningi gjørdi eitt framúr gott arbeiði við at taka ímóti smílandi gestunum.

Umboðsfelag hjá skipinim er Faroe Ship.

Vit ynskja Ocean Explorer, manning og ferðafólki eina góða ferð víðari!

Næsta skipið kemur til Funnings um tvær vikur, 23. mai.