Le Champlain í Runavík og Elduvík

Ferðamannaskipið Le Champlain, hjá reiðarínum PONANT, vitjaði fyri fyrstu ferð í Runavík og Elduvík hin 8. og 9. august. Skipað varð fyri plattahandan umborð á Le Champlain, har umboð frá skipinum, Faroe Ship, Visit Runavík og Runavíkar havn luttóku.

Fríggjadagin fóru gestirnir á skipaðar útferðir, gongutúr runt Toftavatn og hugnaðu sær í Runavíkarøkinum. Sama kvøld sigldi skipið til okkara vakra ferðamál Elduvík, har teir 180 gestirnir vórðu førdir í land í smábátum í góðveðrinum leygarmorgunin. Dagurin var ótrúliga góður við nógvum lokalum upplivingum, bæði í bygdini og á fjallatúrum við staðbundnum bóndrum sum ferðaleiðarum.

Aftaná vitjanina bjóðaði skiparin øllum cruisetoyminum umborð á Le Champlain. Hetta var ein góð uppliving, og blíðskapurin var sera stórur.

Vit takka fyri vitjanina og ynskja gestum og manning eina góða ferð til Íslands.