Ocean Rainforest fingið nýggja tvíkilju

Í dag lat KJ Hydraulik á Kambsdali nýggju tvíkiljuna, Breiðbløðka, til felagið Ocean Rainforest, sum hevur taraaling á Funningsfirði. Móttøka var í Norðragøtu kl. 15.00.

Tvíkiljan er bygd júst til tørvin hjá Ocean Rainforest at arbeiða og taka taran úr sjónum, og føra hann til lands til virkingar. Vanliga vera tvey ella trý fólk til arbeiðis umborð á bátinum.

Runavíkar havn ynskir Ocean Rainforest hjartaliga tillukku við tvíkiljuni.