Laksatorg 24. Juli

Árliga Laksatorgið verður leygardagin 24. juli.

Laksatorgið verður í hugnaliga umhvørvinum niðri á støð á Glyvrum. Strondin, sonevnda ‘Glyvra Beach’ er skamt harfrá, har góður møguleiki er at leypa á sjógv. Økið niðri á støð er væl skipað, neyst liggja framvið, umframt snotuligu húsini hjá bátafelagnum. Stór grill og fleiri tjøld verða á økinum, har smakkiroyndir av rávøru frá Bakkafrost verða at fáa.

Fólk, ið eru áhugað í at luttaka við onkrum tiltaki, eru vælkomin at senda ein t-post til visit@runavik.fo, viðmerk Laksatorg.

Sølutorgið Aftur í ár verður stóra Sølutorgið ein partur av tiltakinum. Umbønir at bíleggja ókeypis borð til Sølutorgið verður gjørt umvegis eina sjálvavgreiðslu. Nærri kunning um sjálvavgreiðsluna her á síðuni umframt á facebookvanganum og heimasíðuni hjá Visit Runavík. Seinasta freist at bíleggja borð er mánadagin 19. juli. Vegna Covid 19 tilmælini eru bert 60 borð í teltinum.