Ein serligur cruisedagur í Elduvík

Í gjár var einki minni enn ein fantastiskur cruisedagur í Elduvík, tá lokala cruisetoymið tók ímóti gestunum frá ferðamannaskipinum Ocean Endeavour. Skiftandi veðrið var við til at gera dagin serliga spennandi fyri ferðafólkini, manningina og cruisetoymið.

Hetta var ein rættur expeditiónsdagur, søgdu fleiri av ferðafólkunum eftir at vera komin í land við gummibátum, upp trappurnar í gjónni og aftaná at hava upplivað alt, ið bygdin og tey lokalu høvdu at bjóða.

Allir cruisegestirnir fóru glaðir og móðir umborð á skipið aftur seinnapartin fyri síðan at sigla víðari til Vestmanna kl. 20.00 í gjárskvøldið.

Faroe Ship er umboðsfelag hjá Ocean Endeavour, ið hoyrir undir reiðaríið Adventure Canada.

Vit takka fyri vitjanina, og ynskja skipinum eina góða ferð víðari????