Tvey skip á vitjan

Tvey ferðamannaskip á veg til Runavíkar havn.

Leygardagin 28. juni kemur Ocean Endeavour til Elduvíkar. Ferðafólkini, sum eru 187 í tali, koma í land við smábátum og vitja í bygdini frá kl. 9 til 17. Lokala cruisetoymið í Elduvík er væl fyrireikað at taka ímóti útlendsku gestunum.

Mánadagin 30. juni kemur Island Sky inn á Kongshavn fyri aðru ferð í ár. Skipið liggur við bryggju frá kl. 12-23. Umborð eru umleið 100 ferðafólk og ein manning uppá 75 fólk. MB Tours er túrsmiður hjá skipinum.

Faroe Ship er umboðsfelag hjá Ocean Endeavour og Tor Shipping hjá Island Sky.

Vit gleða okkum at taka væl ímóti skipunum!