Fyrsta cruise-vitjan í Funningi væl eydnað

May 21, 2022

Í gjárskvøldið kom ferðamannaskipið Ocean Adventurer inn á Funningsfjørð, har tað lá fyri akker í nátt. Kl. 8.30 í morgun vórðu ferðafólkini sigld inn á lendingina í Funningi við skjóttgangandi gummibátum. Ferðafólkini, 80 í tali, eru úr USA, Canada og Australia.

Bygdafólkið í Funningi hevur saman við Visit Runavík og Runavíkar havn fyrireika vitjanina og skipa fyri alskyns lokalum upplivingum. Millum annað kafé, sølu av minnislutum, sálmasangi í kirkjuni, søguligari framsýning, spákingartúrum í bygdini við ferðaleiðara, føroyskum dansi og gongutúri niðan á Hvíthamar við staðbundnum ferðaleiðara. ASK ME genturnar hjálptu væl til við at leiðbeina og geva ferðafólkunum skrá og kort yvir bygdina.

Í kirkjuni handaði umboð frá skipinum bygdini eina gávu. Runavíkar havn handaði somuleiðis skipinum ein platt úr føroyskum gróti.

Ein sera væl eydnað vitjan. Slíkar vitjanir verða skipaðar eftir einum serstøkum leisti, har høvuðsfyriskipararnir leggja stóran dent á at tryggja sær eitt sosialt burðardygt tiltak.

Vit ynskja Ocean Adventurer, manning og ferðafólki eina góða ferð víðari í norðurhøvum. Í kvøld kl. 18.00 hálar skipið akkerið upp og setir kós móti Jan Mayen.


July 05, 2025

Last cruise call to Funningur this year

NG Endurance has now left Funningur after a great visit. The locals were th…

July 02, 2025

A visit from NG Endurance

On July 4, we are excited to welcome NG Endurance, a 124 meter expedition s…

June 29, 2025

A Special Cruise Day in Elduvík

Yesterday was a fantastic cruise day in Elduvík when the local cruise team…

June 27, 2025

Two ships inbound

On June 28, we are excited to welcome Ocean Endeavour from Adventure Canada…