Fiskikapping við Draganum

Í morgun fór 6. a úr Skúlanum við Løkin fiskitúr við Draganum. Túrurin er partur av eini fiskikapping millum fleiri skúlar í Føroyum. Steyp verður givið til besta flokkin og gáva til tann næmingin, ið fiskar størsta fiskin.

Myndirnar eru frá túrinum við 6. a í morgun, og á hesum túri fiskaði næmingurin Grímur Lassen størsta fiskin, sum var 102 cm langur. Skiparin umborð á Draganum eitur Poli Mikkelsen, sum í fleiri ár hevur arbeitt sum lærari á Sjómansskúlanum í Klaksvík. Manningin umborð á Draganum taldi tríggjar mans, og afturat teimum vóru Jenni Troest, lærari, og Fróði Lassen umboð fyri foreldrini.

Spennandi verður at vita, hvør vinnur fiskikappingina við Draganum.