Ein góð cruisevitjan í Funningi
Fríggjadagin vitjaði ferðamannaskipið Ocean Adventurer í Funningi. Hetta sama skip vitjaði eisini í fjør, og var hetta fyrsta skipið sum vitjaði bygdina. Hetta er sostatt aðru ferð at tikið verður ímóti cruisegestum í Funningi. Ferðafólkini vórðu sigld inn á lendingina við skjóttgangandi gummibátum. Ferðafólk og manning, umleið 100 í tali, vóru m.a. úr USA, Canada, Australia og Onglandi.
Slíkar móttøkur av cruise-gestum verða skipaðar eftir einum serstøkum leisti, har høvuðsfyriskipararnir leggja stóran dent á at tryggja sær eitt sosialt burðardygt tiltak. Vitjanin var einastandandi væl eydnað fyri allar partar.
Bygdafólkið í Funningi hevur saman við Runavíkar havn og Visit Runavík fyrireikað vitjanina og skipað fyri alskyns lokalum upplivingum. Millum annað kafé, sølu av minnislutum, sálmasangi í kirkjuni, søguligari framsýning, spákingartúrum í bygdini við ferðaleiðara, føroyskum dansi og gongutúrum niðan á Slættaratind og Hvíthamar við staðbundnum ferðaleiðarum. ASK ME-genturnar hjálptu væl til við at leiðbeina og geva ferðafólkunum skrá og kort yvir bygdina.
Vit ynskja Ocean Adventurer, manning og ferðafólki eina góða ferð víðari í norðurhøvum við kós móti Jan Mayen.
Góður cruisedagur í Funningi
Hósdagin 2. mai vitjaði flotta ferðamannaskipið Ultramarine hjá Quark Exped…
Vitjan av United States Coast Guard
Mikudagin 1. mai hevði Runavíkar havn vitjan av umboðum frá Landsverk og Un…
Ultramarine til Funnings 2. mai
Í ár vitja 3 ferðamannaskip í Funningi, og tað fyrsta kemur hósdagin 2. mai…
Amibtion vitjar fyri fyrstu ferð
Týsdagin 19. mars kemur ferðamannaskipið Ambiton hjá reiðarínum Ambassador…