Frá regni til sólskin í Elduvík

Seinasta leygardag tóku vit ímóti Hebridean Sky í Elduvík.

Dagurin byrjaði við oysandi regni. Cruisegestirnir - meginparturin úr Amerika og Bretlandi - vóru tíbetur ílatnir eftir føroyska veðrinum, tá teir komu í land í gjónni.

Lokala cruisetoymið í Elduvík hevði roynt at sagt teimum, at sólin fór at koma fram seinni á degnum. Tað trúðu teir ikki heilt upp á - men so sleit í, og sólin fór at skína. Gestirnir vóru sera bilsnir.

Tað gjørdist ein sera hugnalig og væleydnað vitjan, har elduvíksfólk greiddu frá um føroyskar siðir og gerandisdagin í bygdini.

Tor Shipping er umboðsfelag.

Hebridean Sky kemur aftur 6. juni 2027.

Vit síggjast!