Glað ferðafólk

Mikudagin 3. august kl. 11-19 vitjaði Artania hjá týska reiðrínum Phoenix Reisen fyri fyrstu ferð í Runavík. Í hesum sambandi handaði borgarstjórin Tórbjørn Jacobsen skiparanum á Artania ein platt frá Runavíkar Havn.

Býurin var stúgvandi fullur av fólki hendan dagin, og teir umleið 1200 cruisegestirnir hugnaðu sær óført í økinum við alskyns upplivingum. Millum annað gingu ferðafólkini runt Toftavatn, fóru á listasýning og kundu eisini keypa ein busstúr við ferðaleiðara til smærru bygdirnar kring Runavík. Cruisetoymið hevði úr at gera saman handilslívinum, og áðrenn skipið fór avstað, varð skipað fyri eini konsert við Land of Maybe úti við Løkin í Runavík.

Umboðsfelag hjá reiðarínum Phoenix Reisen er Tor Shipping.

Skipið fór avstað kl. 19.00 við kós ímóti Íslandi og heldur síðani leiðina fram til Svalbard og suður við norsku strondini. Vit ynskja ferðafólki og manning góða ferð víðari. Næsta skip kemur til Elduvíkar mánadagin 3. oktobur.