Tíðindi

Føroya Regatta í Runavík í vikuskiftinum

Tíðindaskriv:

Nú leygarkvøldið – 5. juli – vitja tey seglførandi skipini í Føroyum, sluppir og motorar, Runavíkar havn. Endamálið er fyrst og fremst at vekja ans fyri hesum maritima arvi, sum eldsálir kring landið hava bjargað undan týning, og hartil at geva fólki í býum og bygdum møguleikan fyri at síggja amboðini, sum einaferð vóru grundarlagið undir búskapi landsins.

Skráin leygarkvøldið í Runavík:

Kl. 18:00    Skipini koma inn um Saltnes. Undir Lambareiði leggja tey kós ímóti Runavík.
Kl. 18:30    Á bryggjuni syngja Sløkkiliðsmenn.
Kl. 19:00    Arnfinn Langgard, havnanevndarformaður í RK bjóðar vælkomin.
Kl. 19:15    Troubadururin Kári Sverrisson syngur og spælir tvey løg.
Kl. 19:25    Dan Reinert Petersen, lærari og sjómaður, flytir fram røðu.
Kl. 19:40    Troubadururin Kári Sverrisson syngur og spælir tvey løg.
Kl. 19-21:00    Barnakapping og “opið skip”, har almenningurin fær høvi at vitja umborð.
Kl. 19:50    Togtogan á bryggjuni. Dómari Magnus Rasmussen (RH letur steypið.)
Kl. 21:00    Føroyskur dansur, Louis Houmann skipar Ormin Langa.
Kl. 22:00    Felagssangur í stóra tjaldinum (kórsangarar syngja fyri).
Kl. 23:30    Almennur ókeypis eingilskur dansur í tjaldinum – Four men spæla.
Kl. 01:00    PrixRunavík – stutt sangkapping ímillum manningarnar (RK letur steypið.)

Tíðir og tíðarmál eru vegleiðandi.

Øll eru hjartaliga vælkomin á bryggjuna leygarkvøldið – og alt er ókeypis!

Runavíkar havn.